Breytingar á lykilorðum til innskráningar á gegnir.is og leitir.is

Nú standa fyrir dyrum breytingar á umsýslu lykilorða til innskráningar á vefina gegnir.is og leitir.is. Ekki verður lengur hægt að styðja lykilorð sem innihalda kennitölu notanda, hluta úr henni eða einfaldar talnarunur á borð við 1234. Breytingarnar eru gerðar til að reyna að tryggja öryggi persónuupplýsinga lánþega.

Í lok ágúst verður þeim lykilorðum breytt sem ekki uppfylla öryggiskröfur. Ný lykilorð verða send í tölvupósti til þeirra lánþega sem eru með netfang sitt skráð í bókasafnskerfinu. Aðrir lánþegar þurfa að hafa samband við bókasafnið sitt til að fá úthlutað nýju lykilorði.