Námsáætlun fyrir ágúst

Kennslan í ágúst hefst með því að aðstoða starfsfólk framhaldsskólasafna við fyrstu skrefin í kerfinu. Námskeið fyrir framhaldsskólasöfn verða haldin dagana 8. – 15. ágúst. Síðan taka við námskeið ætluð starfsfólki grunnskólasafna. Fyrsta námskeiðið fyrir grunnskóla verður þriðjudaginn 16. ágúst. Námskeiðin verða sniðin eftir markhópum þar sem þarfir safnategunda eru mismunandi en í lok ágúst verður boðið upp á opin námskeið. Sértækari námskeið eins og bókfræðiskráning, umsýsla aðfanga, umsýsla rafræns efnis o.s.frv. eru áætluð í lok ágúst og september en síðan verður áframhaldandi stuðningur fram eftir hausti.
Það þarf að brjóta grunnnámskeið í nýja Gegni upp til að getað meðtekið nauðsynlegar upplýsingar og nýja verkferla. Námskeiðinu er skipt í 4 aðskylda námskeiðshluta.

1)    Lánþegar og ný aðföng á safni (tengja eintök)
2)    Útlán og lánþegaþjónustur 
3)    Stuðningur vegna nýrra aðfanga á safni (tengja eintök)
4)    Stuðningur vegna útlána- og lánþegaþjónustna

Fyrstu tvö námskeiðin eru skyldunámskeið fyrir allt starfsfólk en stuðningsnámskeiðin eru valkvæm.

Fyrirkomulag námskeiðanna er þannig að nokkrir dagar líða á milli námskeiða 1 og 2 en svo líða allt að tvær vikur áður en stuðningsnámskeiðin byrja. 

Skráning á námskeið önnur en fyrir framhaldsskóla verður opnuð 10. ágúst. Vinsamlegast skráið ykkur á vef Landskerfis bókasafna, http://www.landskerfi.is

Athugið að þetta eru vefnámskeið á teams.