Rafbækur frá Springer á leitir.is

Rafbækur frá Springer finnast nú á leitir.is og eru öllum aðgengilegar án innskráningar.

MARC-færslum 9.888 rafbóka frá þýska útgefandanum Springer, sem eru í landsaðgangi hefur verið hlaðið inn í bókfræðigrunn Gegnis. Þetta eru fræðibækur gefnar út á árunum 2013-2015. Þær eru á sviði lífvísinda (1.705), viðskipta- og hagræði (1.440), tölvunarfræði (3.201), jarðfræði og umhverfismála (1.163) og hugvísinda, félagsvísinda og lögfræði (2.379).

Tilgangurinn með því að hlaða inn MARC-færslunum inn í Gegni er sá að gera þessar bækur jafn auðfinnanlegar á leitir.is og aðrar bækur sem skráðar eru í bókasöfnum landsins. Það er von og ósk Landskerfis að þetta verði til þess að þessar bækur verði almenningi og fræðimönnum sýnilegri og nýting þeirra aukist.

Starfsfólk Landsbókasafns Íslands – Háskólabókasafns og Landskerfis bókasafna hefur unnið að þessu verkefni í vor og sumar og lauk því í lok júlí.