Tölur úr bókfræðigrunni

Greinargerðir um söfnun tölulegra upplýsinga úr bókfræðigrunni Gegnis fyrir árin 2013 og 2014 eru nú tilbúnar. Vegna breytinga á verklagi varð dráttur á birtingu greinargerðar fyrir 2013. Þetta eru sambærilegar samantektir og birtar hafa verið undanfarin ár undir heitinu „Tölur úr bókfræðigrunni Gegnis : greinargerð um söfnun og úrvinnslu tölulegra upplýsinga til ársloka 20XX”.

Myndin sýnir hve margar bókfræðifærslur bættust við árlega á tímabilinu sem þetta tölfræðiverkefni tekur til. Talsverður munur er á fjölda milli ára. Vélvirk hleðsla á færslum fyrir rafræn tímarit í landsaðgangi skýrir toppinn árið 2013.

Tölfræðin tekur til heildarskráningar í bókfræðigrunninn án tillits til framlags einstakra aðildarsafna. Greinargerðirnar eru afrakstur samstarfs Landsbókasafns Íslands - Háskólabókasafns og Landskerfis bókasafna hf. Hér má finna greinargerðirnar fyrir árin 2013 og 2014 sem og eldri greinargerðir.