Minnisblað fyrir skráningu í Munaskrá

Cecilie Gaihede og Þorvaldur Böðvarsson, haust 2019.

Inngangur:

Þessar leiðbeiningar eiga við skráningu aðfanga í Munasnið og fjalla um helstu aðgerðir tengdar skráningu muna þar á meðal vallista yfir þær aðfangategundir sem hægt er að skrá í munaskrá.  

• Þegar skráning er hafin er smellt á Aðföng -> Munir. Þá birtist yfirlitsgluggi með tilheyrandi undirskrám. Þá er smellt á „SKRÁ“ og valin aðfangategundin sem á við. (Hér eftir verður miðað við skráningu á mun, en ef valin er bók sem dæmi er vísað í Minnisblaðið fyrir skráningu í Bókaskrá.)

Skrá Mun:

Þegar búið er að velja aðfangategund fyrir munaskráningu (sjá mynd fyrir ofan) er hraðskráningarsnið valið ef við á (Ef hraðskráningarsnið er valið, má lesa nánar um það í Minnisblað fyrir stofnun Hraðskráningarsniðs). Skráð er í opna tölureitinn „Fjöldi“ ef verið er að skrá ákveðinn fjölda aðfanga í einu. Síðan er smellt á „Samþykkja“.  

Í kjölfarið birtist aðfangasniðið

Næstu skref:

Tengja myndir/skjöl/teikningar
Mælt er með að byrja skráningu á því að tengja og hlaða upp myndir/skjöl/teikningar. Hægt er að tengja eins margar myndir og þarf. 

• Til að tengja mynd/skjal/teikningu við skráninguna er smellt á „Hlaða upp mynd/skjali/teikning“ 

Skráning mynda: 

1.    Velja síðan „Choose file“ 
2.    Velja síðan myndina smella á „Open“ 
3.    Að lokum er smellt á „Samþykkja.“ Ef vill er hægt að fylla út viðeigandi upplýsingar um rafrænu myndina/skjalið/teikninguna. 
 

Grunnupplýsingar

• Hér er fyllt út eins ítarlega og hægt er með upplýsingum um aðfangið sem verið er að skrá. Mælt er með að renna yfir alla skráningarmöguleikana 
• Lágmarksskráningar til að geta vistað aðfangasnið eru: Undirskrá, Safnnúmer, Heiti og Fjöldi 
• Til að nálgast ítarlegri upplýsingar um ákveðin skráningaratriði og nákvæmari lýsingar á skráningarreitunum er mælt með að skoða kafla VI. Munir í Skráningarhandbók Sarps 2.0 sem hægt er að nálgast á þjónustuvefnum landskerfi.is. Sjá mynd: 

1)  Aðrar upplýsingar

• Hér er mikilvægt að skrá í frjálsa textareitnum allar nánari upplýsingar um aðfangið sem vitað er um. 

• Gott er að hafa það í huga að reitirnir „Lýsing“, „Sýningartexti“ og „Heimildir“ eru reitir sem birtast á ytri vef sarpur.is ef valið er að birta aðfangið þar. Það þarf því að gæta þess með almenning í huga að textinn í þessum reitum sé vel unnin og lýsandi fyrir aðfangið. Síðan er smellt á „Vista“